Ai! laurië lantar lassi súrinen,
Yéni únótimë ve rámar aldaron!
Yéni ve lintë yuldar avánier
mi oromardi lisse-miruvóreva
Andúnë pella Vardo tellumar
nu luini yassen tintilar i eleni
ómaryo airetári-lírinen.
Sí man i yulma nin enquantuva?
An sí Tintallë Varda Oiolossëo
ve fanyar máryat Elentári ortanë,
ar liyë tier undulávë lumbulë;
ar sindanorielló caita mornië
i falmalinnar imbe met, ar hísië
untúpa Calaciryo míri oialë.
Si vanwa ná, Rómello vanwa, Valimar!
Namárië! Nai Hiruvalyë Valimar.
Nai elyë hiruva. Namárië!
Subscribe to:
Post Comments (Atom)
No comments:
Post a Comment