Ai! laurië lantar lassi súrinen,
Yéni únótimë ve rámar aldaron!
Yéni ve lintë yuldar avánier
mi oromardi lisse-miruvóreva
Andúnë pella Vardo tellumar
nu luini yassen tintilar i eleni
ómaryo airetári-lírinen.
Sí man i yulma nin enquantuva?
An sí Tintallë Varda Oiolossëo
ve fanyar máryat Elentári ortanë,
ar liyë tier undulávë lumbulë;
ar sindanorielló caita mornië
i falmalinnar imbe met, ar hísië
untúpa Calaciryo míri oialë.
Si vanwa ná, Rómello vanwa, Valimar!
Namárië! Nai Hiruvalyë Valimar.
Nai elyë hiruva. Namárië!
Tuesday, May 12, 2009
Monday, May 4, 2009
Subscribe to:
Posts (Atom)